التفاصيل كاملة ديال شنو كيدير البرنامج، خدمة بخدمة. كلشي داخل فالثمن: لا زيادات مخلصة، لا حوايج كتحلها من بعد.
1900 درهم مرة وحدة، و12 شهر ديال الدعم داخلين. بلا اشتراك، بلا كوميسيون على البيعات ديالك.
البيعات، السطوك والكليان محفوظين فالبي سي ديال الكاشير. الأنترنيت خاصك غير للتفعيل وللتحديثات.
ICE، IF، RC، الضريبة بعدة نسب، والمبلغ بالحروف بالفرنساوية والعربية. فاكتورة بصح، بلا ما تشد راسك.
كارطة الوفاء بالكود بار، نقط كتجمع مع كل شرية، والسجل ديال الكليان كتشوفو من الكاشير.
طباعة حرارية متوافقة مع ESC/POS، والتيروار كيتحل بوحدو مع كل بيعة.
شاشة ثانية كتوري للكليان التفاصيل والمجموع وانت كتسكاني. الثقة والوضوح فالكونطوار.
كل بياع كيدخل بالكود PIN ديالو. البيعات والمسؤولية ديال كل واحد كيبقاو مفرقين.
السطوك محين مع كل بيعة، تنبيه ملي السلعة تسالي، الكلوتور Z، الأرباح، وملف للكونطابل واجد.
بلان ديال الطبالي، الصيفط للكوزينة، شاشة التحضير ولوحة الكوموندات بحال الفاست فود، للمطاعم والسناكات.
خلي الميزان اللي عندك. كيطبع الإتيكيت ديالو، الكاشير كيسكانيها، والثمن ديال الوزن كيجي فالتيكي. هادا هو التركيب ديال الجزارة وديال الخضرة والفواكه.
عندك كاشير من قبل؟ خرج السلعة ديالك ففيشي CSV وحطو هنا. UsePosio كيلقى الأعمدة ديالك واخا تكون بسميات أخرى، وكيوريك شنو فهم قبل ما يسجل حتى حاجة.
الكليان كيجيب التيكي ديالو، كتسكاني الكود بار اللي مطبوع فيه، والترجيع كيتحل ديريكت على السلعة الصحيحة. البون كيخرج بنمرة، وما خاصك تكتب والو.
الكليان ديالك اللي كيخلصو فآخر الشهر ما بقاوش محتاجين الكناش. كل كريدي متبوع لكل كليان، مع الحد اللي كتحدد انت. إلا فاتو، الكاشير كيرفض، واخا يكون بياع آخر اللي كيخدم.
لصالونات الحلاقة والتجميل. كل خدمة عندها المدة ديالها، والنهار كيتعمر بلا فراغ وبلا تداخل. فالتيليفون، كتشوف الأوقات الخاوية ديال كل وحدة من الخدامات. ملي الكليانة كتوصل، الموعد ديالها كيولي هو البيعة.
دانون فايت الوقت ديالو كيتسكانا، رف خاوي، كليان وصل للحد ديال الكريدي، سوفݣارد ما تداراتش. كتشوفها ملي كتحل فالصباح، وفاللحظة اللي كتهم فالكونطوار.
نفس السلعة بالمقاسات M وL وXL، كل مقاس عندو السطوك ديالو. كل واحد عندو الكود بار ديالو. الجرد كيقول ليك شمن مقاس ناقص، بلاصت ما يقول ليك باقيين 12 حبة.
أول مرة كتحل البرنامج، كتقول الحرفة ديالك والكاشير كيجي معمر: الرفوف ديال الحانوت، ولا الخدمات ديال الصالون بالمدة ديالهم. باش تبيع ديريكت، حتى تدخل الفيشي الحقيقي ديالك.
كتريڭل التخفيض مرة وحدة، وكينزل بوحدو فالتيكي ملي كتدوز السلعة. على سلعة وحدة، على نوع، ولا على الحانوت كامل، وغير فالأيام والساعات اللي كتختار. الأثمنة ديالك الأصلية ما كيتحركوش أبدا.
حسب الرفوف ديالك والكاشير باقي كيبيع. السطوك ما كيتصححش حتى كتوافق، والفرق كيبان سلعة بسلعة، بالكمية وبالدرهم. وأخيرا كتعرف شنو ناقص بصح.
الفورنيسورات ديالك، البونات ديال الكوموند، والاستقبال اللي كيطلع السطوك. كل ليفريزون كتبقى مسجلة بالتاريخ، وثمن الشرا ديال داك النهار كيتسجل، وهكا الأرباح ديالك كتبع السوق.
كتعطي دوفي بالأثمنة وبالتاريخ ديال الصلاحية. النهار اللي الكليان يوافق، كيولي بيعة بالأثمنة اللي كانو فالدوفي، ماشي بثمن داك النهار. هادا هو الكلمة اللي عطيتي، محترمة بوحدها.
سوفݣارد أوتوماتيكي للداتا ديالك كل نهار، والتحديثات كتجيك ملي كتحل الكاشير، بلا ما تتحرك وبلا ما تقيس والو.
اللائحة كاملة ديال شنو داخل. والو ما كيتباع زيادة.
السطوك ديال الريسطو ماشي شحال من بورݣر تباع، هو شحال بقى من اللحم والخبز والفرماج. UsePosio كيتبع بجوج بوحدهم.
نوريوك الكاشير خدام على الحرفة ديالك، بالسلعة ديالك والأثمنة ديالك.
contact@useposio.com
Use